Niderland – Fransa dueli qolsuz bitdi

Avropa çempionatının D qrupunda 2-ci tura  Niderland – Fransa qarşılaşması ilə yekun vurulub. Komandalar Leypsiqdəki “Red Bull-Arena”da güclünü müəyyən etməyə çalışıblar.

TodayPress xəbər verir ki, ilk turda qalib gələn komandaların duelində 3 xal qazanacaq yığma 1/8 finala yüksələcəkdi.

Leypsiq qarşılaşmasında qapılara qol vurulmayıb. Hər iki komandanın fərqlənmək üçün şansları olsa da, qol qeydə alınmayıb.

Niderlandın hücumameyilli yarımmüdafiəçisi Xavi Simons 69-cu dəqiqədə qola imza atsa da, VAR yoxlamasından sonra ofsayt qərarı verilib. Qazanılan 1 xal hər iki komandanın pley-offa yüksəlməsi üçün yaxşı imkan yaradıb.

Namiq HUN