Neymar Yaxın Şərqi tərk edəcək

Neymar “Əl-Hilal” futbol klubu ilə müqaviləni yeniləməyəcək. 

TodayPress xəbər verir ki, 32 yaşlı braziliyalı hücumçu 2023-cü ilin yayında 90 milyon avroya Səudiyyə Ərəbistanı təmsilçisinə keçib.

Futbolçunun klubla müqaviləsi 2 illikdir və 2024/2025 mövsümünün sonunda başa çatacaq. 

Neymar yeni çağırış axtarışında Yaxın Şərqi tərk etməyə hazırlaşır.

Futbolçunun "Əl-Hilal"dakı dövrünü fəlakət kimi qələmə vermək olar. Cinah oyunçusu kluba qatıldıqdan sonra cəmi 5 oyuna çıxa bilib.

Qeyd edək ki, yayda “Əl-Hilal”ı tərk etməyi planlaşdıran cənubi amerikalı 2013-cü ildə tərk etdiyi doğma “Santos” klubuna qayıdacaq.

Namiq HUN