Münhen qarşılaşmasını İspaniya qazandı

Futbol üzrə Avropa çempionatında yarımfinal mərhələsi start götürüb.

TodayPress xəbər verir ki, ilk finalçının adina Münhendə aydınlıq gəlib.

“Alyans Arena”da İspaniya millisi Fransa ilə qarşılaşıb. Yarımfinala qədər olan məsafəni qüsursuz qət edən pireneylilər bu dəfədə ənənələrinə sadiq qalıblar. 6 matç, 6 qələbə. Baxmayaraq ki, ilk qol çempionatın favoriti sayılan “xoruzlar”dan gəlib.

Qarşlaşmanın 9-cu dəqiqəsində Randal Kolo Muani Fransa yığmasını hesabda irəli çıxıb 1:0. Amma erkən qol rəqiblərini çətinliklə keçən fransızların Almaniya dəst-xəttini dəyişməyib. İspaniya 4 dəqiqəyə 2 qol vurmaqla Fransanı finala aparan yolda büdrədib. 21-ci dəqiqədə Lamin Yamal oyunda status-kvonu bərpa edib 1:1. 25-ci dəqiqənin tamamında isə Jül Kunde avtoqolla “Qırmızı furiya”nı hesabda irəli çıxarıb. Və matç İspaniya millisinin 2:1 hesablı qələbəsi ilə başa çatıb.  

İspaniya yığma komandası Münhen uğuru ilə Avropa çempionatları tarixində 5-ci dəfə finala çıxıb.

Qeyd edək ki, ikinci finalçının adına İngiltərə və Niderland millilərinin Dortmund qarşılaşmasından sonra aydınlıq gələcək. 

Namiq HUN