Modriç komandası üçün əhəmiyyətini sübut edəcəyinə inanır

“Real Madrid” klubunun yarımmüdafiəçisi Luka Modriç karyerasını bitirmək barədə düşünmür. 

TodayPress xarici KİV-ə istinadən xəbər verir ki, xorvatiyalı futbolçunun klubla müqaviləsi 2025-ci ilin yayında başa çatacaq.

Amma 39 yaşlı yarımmüdafiəçi komandası üçün əhəmiyyətini sübut etmək və müqaviləni bir daha uzatmaq niyyətindədir.

Luka Modriç 2026-cı ildə keçiriləcək dünya çempionatında oynayacağını və o vaxta qədər “Real”ın oyunçusu olaraq qalmağa üstünlük verəcəyini etiraf edir.

Qeyd edək ki, veteran futbolçu cari mövsümdə “kral klubu”nun heyətində iştirak etdiyi 12 matçda 2 məhsuldar ötürmə verib.

Namiq HUN