MMA döyüşçüsü tərəfdaşını itirdi

Viski markası “Proper No. Twelve” MMA döyüşçüsü Konor Makqreqorla olan tərəfdaşlığını onunla bağlı məhkəmə prosesi fonunda dayandırıb.

TodayPress xəbər verir ki, bu barədə “MMA Fighting” məlumat yayıb.

McGregor 2018-ci ildən viski brendinin siması idi. 2021-ci ildə şirkətdəki payını satsa da, onun marketinq tərəfdaşı olaraq qalmışdı.

Makqreqor işi üzrə məhkəmə hökmü xəbərindən sonra İrlandiya mediası “Proper No”nun satışının dayandırıldığını bildirib.

Qeyd edək ki, Makqreqor 2018-ci ilin dekabrında Dublin otellərindən birində Nikita Handiyə təcavüzdə təqsirli bilinib. Məhkəmə qərarına əsasən, o, zərərçəkənə 250 min avro məbləğində təzminat ödəməlidir.

Namiq HUN