Millimiz Millətlər Liqasının yarımfinal mərhələsinə yüksəldi

Azərbaycan yığma komandası Slovakiyada keçirilən minifutbol üzrə Millətlər Liqasında yarımfinala yüksəlib.   

TodayPress xəbər verir ki, A qrupunda yer alan millimiz gün ərzində iki oyun keçirib. 

İlk oyunda Ukrayna yığması ilə qarşılan komandamız heç-heçəyə razılaşıb. Millimiz 2 top fərqiylə hesabda öndə olsa da, qələbəni əldən verib 2:2. 

İkinci oyunda millimizin rəqibi meydan sahibləri, Slovakiya yığma komandası olub. Görüş slovakiyalıların 3:2 hesablı qələbəsi ilə başa çatıb.   

Qrup ikincisi olan millimiz yarımfinalda Belçika yığması ilə qarşılaşacaq.   

Namiq HUN