Millimiz dünya çempionatında 8 medal qazandı

Azərbaycan akrobatları Portuqaliyada keçirilən dünya çempionatında tarix yazıblar. 

TodayPress xəbər verir ki, komandamız Qimarayeş turnirini 4 qızıl, 1 gümüş və 3 bürünc medalla üçüncü pillədə başa vurub. 

Belçika (5-1-0) 1-ci, Çin isə (5-0-1) 2-ci yerdə qərarlaşıb.

Qeyd edək ki, yığmamızın heyətində Ağasif Rəhimov-Raziyə Seyidlidən ibarət qarışıq cütlük balans və qarışıq hərəkətlərdə qızıl, temp hərəkətlərində isə bürünc medal qazanıb. 

Daniel Abbasov-Murad Rəfiyev kişi cütlüyü qarışıq və balans hərəkətlərində qızıl, temp hərəkətlərində isə bürünc medala layiq görülüb. 

Riyad Səfərov-Rəsul Seyidli-Seymur-Cəfərov və Abdulla Əl-Məşayxidən ibarət heyət isə temp hərəkətində bürünc medal qazanıb. 

Bundan başqa, Azərbaycan komanda yarışlarında gümüş medala sahib olub.

Namiq HUN