Millidən Avropa çempionatında uğursuz start

Bakıda badminton üzrə qarışıq komandaların Avropa çempionatı keçirilir. 

TodayPress xəbər verir ki, 1-ci qrupda yer alan millimiz ilk oyunda İngiltərə yığması ilə qarşılaşıb. 

Gərgin və maraqlı mübarizə şəraitində keçən oyunda İngiltərə seçmə kollektivi 3:2 hesablı qələbə qazanıb.

Qarışıq qoşa kateqoriyasında Diki Pangestu - Keişa Fatimə Zəhra tandemi Roy Easton - Lizzie Tolman cütünə 0:2 (12-21,9-21) hesabı ilə uduzub. 

Kişi badmintonçuların şəxsi yarışında Edi Reski Dviçayo hər iki setdə Harri Huanqdan üstün olub 2:0 (27-25, 21-13)

Qadınların şəxsi mübarizəsində Keişa Fatimə Zəhra Freya Redfearnı 2:0 (21-11,21-7) hesabı ilə məğlub edib.

Kişi və qadın badmintonçuların qoşa yarışında isə İngiltərə komandası qalib fəlib. 

Aqil Qəbilov - Diki Pangestu dueti Callum Hemming - Ethan Van Leeuvenə 0:2 (12-21, 7-21) hesabı ilə uduzub.

Leyla Camalzadə - Həcər Nuriyeva cütü isə qadınların qoşa yarışında Harris Abbigael - Van Leeuven Estelle duetinə 0:2 (6-21, 9-21) hesabı ilə məğlub olub.

Millimiz qrupda növbəti oyununu sabah İspaniya yığmasına qarşı keçirəcək. 

Namiq HUN