Milli tarixi matçda məğlubiyyətlə barışdı

Qadın futbolçulardan ibarət Azərbaycan millisi növbəti oyununu keçirib.

TodayPress xəbər verir ki, yığmamız Avropa çempionatının seçmə mərhələsi çərçivəsində B liqasının I qrupunda son ev oyununda Macarıstan komandasını qəbul edib.

Siyasət Əsgərovun yetirmələri Liv bona Dea Arena qarşılaşmasında  qalib gəlsəydi, qrup sonuncusu olmayacağı rəsmiləşəcəkdi. Bundan başqa uğurlu çıxış millimizə çempionatın pley-offuna vəsiqə qazandıracaq və B liqasında qalmaq baxımından əlamətdar olacaqdı. Amma istədiyimiz baş tutmayıb. Oyun eyni istəklə meydana çıxan Macarıstan komandasının böyükhesablı qələbəsi ilə başa çatıb 5:0. 

Qeyd edək ki, millimiz dörd gündən sonra səfərdə qrup lideri İsveçrə komandası ilə qarşılaşacaq.

Namiq HUN