Milli qarşısına çıxanı məğlub edir

16 yaşadək basketbolçu qızlardan ibarət Azərbaycan millisi Avropa çempionatının C divizionunda növbəti oyununu keçirib.

TodayPress xəbər verir ki, yığmamız Cəbəllütariq turnirində qrup mərhələsinin III turunda Kiprlə qarşılaşıb. 

Millimiz A qrupu liderlərinin “Tersentenari” görüşündən qalib ayrılıb 68:45. Komandamız daha əvvəl turnirdə Ermənistan və Gürcüstanı yığmalarını darmadağın edib. Nəticədə basketbolçu qızlar ardıcıl qazanılmış 3 qələbə ilə qrupda 1-ci yeri tutub. 

Qeyd edək ki, ötən il çempion tituluna yiyələnən komandamız C divizionunda keçirdiyi ümumilikdə 8-ci matçında qalib gəlib. Avropa çempionatında yarımfinal mərhələsinin görüşləri iyulun 13-də baş tutacaq.

Namiq HUN