Milli komanda ilk matçında məğlub oldu

Azərbaycanın minifutbol üzrə U-23 millisi Xorvatiyanın Malıy Loşin şəhərində keçirilən dünya çempionatına məğlubiyyətlə başlayıb.

TodayPress xəbər verir ki, milli komanda I turda Serbiyanın U-23 yığması ilə qarşılaşıb.

Görüş rəqib komandanın 5:1 hesablı qələbəsi ilə başa çatıb. Yığmanın heyətində yeganə qolu Ziya Məmmədli vurub. 

Qeyd edək ki, millimiz dünya çempionatında ikinci oyununu oktyabrın 8-də Hindistan yığmasına qarşı keçirəcək. 

Namiq HUN