Millətlər Liqası: Azərbaycan Slovakiyaya məğlub oldu- YENİLƏNDİ

Futbol üzrə Azərbaycan yığma komandası növbəti oyununa çıxıb. 

TodayPress xəbər verir ki, millimiz Millətlər Liqasında C Liqasının I qrupunun IV turunda Slovakiya komandası ilə qarşılaşıb. 

Tofiq Bəhramov adına Respublika stadionunda keçirilən oyunda hesabı birinci qonaqlar açıblar. Matçın 15-ci dəqiqəsində sol cinahdan qapı ağzına ötürməni zərərsizləşdirmək istəyən Rahil Məmmədov avtoqol müəllifi olub 1:0. 

Millimiz 38-ci dəqiqədə oyunda status-kvonu bərpa edib. Toral Bayramov Şeydayevin qapı ağzına asmasından sonra başla topu Marek  Rodakın qoruduğu qapıdan keçirib 1:1.

Qarşılıqlı hücumlarla keçən ikinci hissənin 70-ci dəqiqəsindən sonra komandamız meydanda azlıqda mübarizəni davam etdirməli olub. Referi kobud oyuna görə Mahir Emrelini ikici sarı vərəqə ilə cəzalandırıb.  

Rəqib məlum say üstünlüyündən artıq 75-ci dəqiqədə fərqlənməyə müvəffəq olub. Lukaş Haraslinin qapının uzaq doqquzluğuna vurduğu top Mehdi Cənnətov üçün əlçatmaz olub 2:1. 

Oyunda hesab bir daha matçın 86-cı dəqiqəsində dəyişib. David Düriş Cənnətovla təkbətək epizodda qol şansını qaçırmayıb 3:1.   

İlk üç görüşün hamısında uduzan Fernandu Santuşun yetirmələri uğursuz seriyanı Slovakiya ilə dueldə də qıra bimədi. 

Qeyd edək ki, millimiz növbəti oyununu noyabrın 16-da Estoniyaya qarşı keçirəcək. Matç Qəbələ şəhər stadionunda baş tutacaq.

****

20:57

Futbol üzrə Azərbaycan yığma komandası növbəti oyununa çıxıb.

TodayPress xəbər verir ki, millimiz Millətlər Liqasında C Liqasının I qrupunun IV turunda Slovakiya komandası ilə qarşılaşır.

Tofiq Bəhramov adına Respublika stadionunda keçirilən matçın birinci hissəsi 1:1-lik bərabərliklə başa çatıb. Oyunda hesabı birinci qonaqlar açıblar. Matçın 15-ci dəqiqəsində sol cinahdan qapı ağzına ötürməni zərərsizləşdirmək istəyən Rahil Məmmədov avtoqol müəllifi olub 1:0.

Millimiz 21-ci dəqiqədə oyunda status-kvonu bərpa edə bilərdi. Topal Bayamovun zərbəsindən son Marek Rodak qolkiper komandasını real qoldan qurtarıb.

Bayramov qol istəyini yalnız qarşılaşmanın 38-ci dəqiqəsində reallaşdıra bilib. Toral, Şeydayevin qapı ağzına asmasından sonra başla topu Rodakın qoruduğu qapıdan keçirib. Və komandalar fasiləyə 1:1 hesablı bərabərliklə yollanıblar.  

Namiq HUN