“Milan”dan geridönüş, bu dəfə A Seriyasında

Futbol üzrə İtaliya A Seriyasında XIX turdan təxirə salınan iki oyun keçirilib.

TodayPress xəbər verir ki, “Milan” əzmkar qələbə qazanıb.

Komo səfərində eyniadlı komanda ilə görüşdə məğlub vəziyyətə düşən milanlılar 70-ci dəqiqədən sonra iki dəfə fərqləniblər. “Milan” Teo Ernandes ve Rafael Leaonun vacib qolları ilə “Cuzeppe Siniqalya” stadionundan qalib ayrılıb 2:1.

“Yuventus” klubu yenə qələbə hesabını qoruya bilməyib. TuruFn təmsilçisi növbəti dəfə xalları yarıya bölüb. “Qoca Sinyora” Berqamoda “Atalanta” ilə qarşılaşmada mövsümdə 13-cü dəfə heç-heçə oynayıb 1:1.

Namiq HUN