Məşhur tennisçi qarət olundu

ABŞ-nin sabiq tennisçisi Pem Şrayverin kubokları olan avtomobili oğurlanıb. 

TodayPress xəbər verir ki, o, bu barədə sosial şəbəkə hesabında bildirib. 

62 yaşlı Şrayver hadisənin Los-Ancelesdəki yanğın zamanı baş verdiyini yazıb: 

“Oğlumla polis idarəsindəyik. Yanğın başlayanda qaldığımız otelin dayancağından maşınımız oğurlanıb. Evə sağ-salamat qayıdana qədər mənim əsas kuboklarım məhz bu avtomobildə idi”. 

Xatırladaq ki, Pem Şrayver 1997-ci ildə karyerasını bitirib. 21 “Böyük Dəbilqə” çempionluğu qazanan tennisçi, 1988-ci il Seul Olimpiadasının qalibi olub. 

 Namiq HUN