Meksika Qran-prisini “Ferrari” pilotu qazandı

“Ferrari” komandasının ispaniyalı pilotu Karlos Sayns “Formula 1” üzrə Meksika Qran-prisinin qalibi olub.

TodayPress xəbər verir ki, dünya çempionatının mərhələ yarışı “Rodriges Qardaşları” avtodromunda baş tutub. 

“McLaren” komandasının britaniyalı pilotu Lando Norris Meksikada finiş xəttini ikinci keçib. Fəxri kürsünün üçüncü pilləsinə isə Saynsın komanda yoldaşı Şarl Lekler yüksəlib. 

Son üç mövsümün dünya çempionu, “Red Bull”un niderlandlı drayveri Maks Ferstappen yarışı altıncı sırada bitirib.

Namiq HUN