Maradonanın cənazəsi məqbərəyə köçürüləcək

Argentina futbolunun əfsanəsi Dieqo Maradonanın qalıqları Buenos-Ayresdəki məqbərəyə köçürüləcək. 

TodayPress “Clarin”ə istinadən xəbər verir ki, Argentinanın San-İsidro şəhərinin məhkəməsi Maradonanın cənazəsinin Buenos-Ayresdə tikilməkdə olan məqbərəyə  köçürülməsinə icazə verib.

Futbolçunun qalıqlarının köçürülməsi üçün icazəni Maradonanın qızları Dalma və Cannina istəyib.

Xatırladaq ki, Maradona 25 noyabr 2020-ci ildə 60 yaşında vəfat edib.

O, 1984-1991-ci illərdə ikiqat İtaliya çempionu olduğu "Napoli" klubunda çıxış edib.

Maradona həmçinin futbolçu karyerasında “Argentinos Xuniors”, “Boka Xuniors”, “Barselona”, “Sevilya” və “Nyuells Old Boyz” klublarında da oynayıb. 

Dieqo 2010-cu il Dünya çempionatında məşqçi kimi Argentina komandasını 1/4 finala çıxarıb.

Namiq HUN