“Mançester Siti” son dəqiqədə məğlubiyyətdən xilas oldu

Futbol üzrə İngiltərə Premyer Liqasının V turunun mərkəzi matçında “Mançester Siti” “Arsenal”la "sülh"ə nail olub. 

TodayPress xəbər verir ki, “Siti of Mançester” stadionunda baş tutan oyunda 2:2 hesabı qeydə alınıb. 

“Mançester Siti”nin qollarını Erlinq Holand və Con Stounz  vurub. “Arsenal”ın heyətində isə Rikkardo Kalafiori və Qabriel fərqlənib. 

Holand “Mançester Siti”də keçirdiyi 105-ci oyununda  100-cü qolunu vurub. 

Referi Maykl Oliver ilk hissəyə əlavə edilmiş 8-ci dəqiqədə “Arsenal”ın hücumçusu Leandro Trossardı ikinci sarı vərəqə ilə cəzalandıraraq meydandan qovub.

Qeyd edək ki, “Arsenal” 2015-ci ildən Premyer Liqada “Mançester Siti”yə səfərdə qalib gələ bilmir. Bu müddət ərzində “topçular” 7 dəfə məğlub olub və 3 dəfə heç-heçə edib.

Namiq HUN