“Mançester Siti” “Liverpul”a da uduzdu

Futbol üzrə İngiltərə Premyer Liqasında XIII tura yekun vurulub.

TodayPress xəbər verir ki, son oyun günündə 4 görüş keçirilib.

Turun mərkəzi matçında lider “Liverpul” uğursuz çıxışlarını davam etdirən “Mançester Siti”ni qəbul edib. Son çempion səfər qarşılaşmasında (0:2) məğlub olub. “Liverpul”un heyətində Kodi Qakpo və Məhəmməd Salah fərqlənib. Premyer Liqada ardıcıl 4-cü dəfə məğlubiyyət acısı yaşayan “Mançester Siti” “qırmızılar”dan 11 xal geri qalır.

XIII turun digər görüşlərində “Çelsi” “Aston Villa”ya (3:0), “Mançester Yunayted” “Everton”a (4:0) qalib gəlib. 

Yalnız “Tottenhem” - “Fulhem” matçında qalib məlum olmayıb 1:1.

Namiq HUN