Makqreqor oktaqona dönəcəyi tarixi açıqladı

İdman

23.09.2024 13:35

İki çəki dərəcəsində keçmiş UFC çempionu olan Konor Makqreqor oktaqona qayıtmağı planlaşdırdığını deyib.

TodayPress xəbər verir ki, "MMA News" bu barədə məlumat yayıb. Məşhur döyüşçü 2025-ci ildə qayıdacağını bildirib.

“Sadəcə bunu qəbul etməliyəm. 2025-ci ildə yenidən sizi sevindirəcəyəm. İndi isə işim yalnız idman zalında olmaqdan və formada qalmaqdan ibarətdir. Nə vaxt qayıtsam, 100% hazır olacağam" deyə Makqreqor qeyd edib.

Xatırladaq ki, Konor Makqreqorla Maykl Çendler arasındakı döyüş Beynəlxalq Döyüş Həftəsi çərçivəsində iyunun 29-da ABŞ-nin Las-Veqas şəhərində UFC 303 turnirində keçirilməli olsa da, sonradan ləğv edilib.

Namiq HUN