Laporta “Barselona”dan qovulacaq?

"Barselona" futbol klubunun prezidenti Joan Laporta etimadsızlıq səsverməsi ilə üzləşəcək.

TodayPress sport.es nəşrinə istinadən xəbər verir ki, səsvermə bu gün klubun “Kamp Nou”dakı ofisində baş tutacaq. 

Proseduru artıq 2020-ci ildə Xosep Bartomeuya etimadsızlıq səsverməsini irəli sürən, klubun prezidentliyinə keçmiş namizəd olan Jordi Farre başladıb.

Bundan əvvəl "Barselona"nın rəhbərliyindəki müxalifət qruplarının prezident Joan Laporta və onun idarə heyətini dərhal istefa verməyə çağırdığı bildirilib.

Bu qərarın əsas səbəblərindən biri klubun yarımmüdafiəçi Daniel Olmo və hücumçu Pau Viktoru La Liqada qeydiyyatdan keçirə bilməməsi, həmçinin "Nike" ilə müqavilənin uzadılması prosesidir.

Namiq HUN