Kolumbiya 1/4 finalda, Braziliya isə ilk qələbəsini qazandı

Futbol üzrə Amerika kubokunda ikinci tura yekun vurulub.

TodayPress xəbər verir ki, ABŞ-də keçirilən turnirdə D qrupunun matçları baş tutub.

Kolumbiya millisi Kosta-Rikanı 3 cavabsız qolla məğlub edərək 1/4 finala vəsiqə qazanıb. Cənubi amerikalıların qollarını Luis Dias, Davinson Sançes və Con Kordoba vurub. 

Braziliya isə qrup mərhələsində ilk qələbəsini rəsmiləşdirib. Pentakampeonlar Paraqvayı böyük hesabla məğlub edib 4:1. Braziliya millisinin heyətində Vinisius Junior dubl edib, Savio və Lukas Paketa isə hərəyə bir dəfə fərqləniblər. Paraqvayın təsəlli qoluna isə Omar Alderete vurub. 

Namiq HUN