Keyn “Uembli”də yubiley matçına çıxacaq

Futbol üzrə İngiltərə yığmasının hücumçusu Harri Keynə xüsusi hədiyyə təqdim ediləcək.

TodayPress xəbər verir ki, forvarda qızıl papaq veriləcək.

Keyn millidə keçirəcəyi 100-cü oyuna görə bu mükafata layiq görülüb. Bu gün Millətlər Liqasında baş tutacaq Finlandiya ilə qarşılaşma bu baxımdan futbolçu üçün əlamətdar olacaq. 

Qeyd edək ki, B Liqasının 2-ci qrupunda yer alan İngiltərə millisi ilk turdan sonra 3 xalla Yunanıstan yığması ilə 1-2-ci yerləri bölüşür.

Namiq HUN