Kazemiro "Bavariya" klubunun təklifini rədd etdi

İngiltərənin "Mançester Yunayted" klubunun yarımmüdafiəçisi Kazemiro Almaniya təmsilçisi "Bavariya"nın təklifini qəbul etməyib.

TodayPress xəbər verir ki, buna Almaniya klubunun təklifinin braziliyalı yarımmüdafiəçini qane etməməsi səbəb olub.

Kazemironun imtinasından sonra "Bavariya" İngiltərə təmsilçisi "Fulhem"dən Joau Palinyanı transfer siyahısına daxil edib. Bu futbolçunun qiyməti 45 milyon avrodur.

Qeyd edək ki, Kazemiro 2022-ci ildə İspaniyanın "Real" klubundan "Mançester Yunayted"ə transfer olunub.