Kavelaşvili həlledici qolu vurdu

Futbol veteranı Mixeil Kavelaşvili Gürcüstanın prezidenti seçilib.   

TodayPress xəbər verir ki, Gürcüstan millisinin sabiq futbolçusu 300 seçicidən 224 səs toplayaraq ölkəsinin 6-cı prezidenti olub. 

Mixeil Kavelaşvilinin andiçmə mərasimi dekabrın 29-da keçiriləcək. 

Qeyd edək ki, Gürcüstanın yeni prezidentinin zəngin futbolçu karyerası var.

O, “Dinamo Tbilisi” klubu ilə 6 dəfə Gürcüstan çempionu titulunu qazanıb. Kavelaşvili həmyerlimiz Nazim Süleymanovla birlikdə 1 dəfə “Alaniya” klubunun heyətində Rusiya çempionluğunu bayram eduib.

Bundan başqa “Qrasshoppers”lə 1 dəfə İsveçrə çempionu olan sabiq hücumçu İngiltərə nəhəngi “Mançester Siti”nin də formasını geyinib. 

Gürcüstan yığma komandasının heyətində 46 oyunda 9 qol vuran Mixeil Kavelaşvili futbolçu karyerasını 2006-cı ildə bitirib.   

Namiq HUN