Karateçimiz Avropa Universitet Oyunlarının çempionu oldu

Azərbaycan karateçisi Fərid Savadov tələbələrin Macarıstanda keçirilən Avropa Universitet Oyunlarının qalibi olub.

TodayPress xəbər verir ki, Fərid Savadov (60 kq) Mişkolts turnirinin finalında Macarıstan karateçisi Andras Laslo ilə qarşılaşıb. Karateçimiz çempionluq döyüşündə rəqibinə qalib gələrək Oyunların qızıl medalını qazanıb. 

Bununla da karateçilərimizin Avropa Universitet Oyunlarında qazandığı medalların sayı 2-yə yüksəlib. Azərbaycan İdman Akademiyasının qadın karateçiləri komanda yarışında 3-cü yeri tutub.

Namiq HUN