Karateçilər Serbiyada tarix yazdılar

Azərbaycan Karate-Do Federasiyasının üzvləri karate üzrə dünya çempionatında uğurla çıxış ediblər. 

TodayPress xəbər verir ki, Serbiyada keçirilən karate üzrə dünya çempionatında komandamız şəxsi yarışlarda 7 qızıl medal qazanıb. 

Karateçilərimizdən Əli  Əhmədov (34 kq), Eldar Bağırov (53 kq), Mikayıl Nağıyev (“Open”), Zəki Cəfərzadə (+73 kq), Nərmin Əliyeva ( “Open”), Humay Həsənli (+58 kq) və Rauf Yusifov (Master) Belqrad turnirində fəxri kürsünün ən yüksək pilləsinə qalxıblar. 

Azərbaycan komanda yarışlarında uğurla çıxış edərək, aktivinə 2 qızıl medal yazdırıb. Oğlanlar 12-15 yaş qrupunda, eyni yaş üzrə qarışıq komanda fəxri kürsünün ən yüksək pilləsinə qalxıb. 

Azərbaycan ümumi komanda hesabında 44 ölkə arasında 5-ci yeri tutub.

Namiq HUN