Kanada yarımfinalda – TARİXİ UĞUR

Futbol üzrə Kanada yığma komandası Amerika kubokunda yoluna davam edir. 

TodayPress xəbər verir ki, “Qırmızılar” pley-offda Venesuela  yığması ilə qarşılaşıb. 

Ceykob Şaffelburq 13-cü dəqiqədə Kanada millisini hesabda irəli çıxarıb 1:0. Venesuela Xose Salomon Rondonun 64-cü dəqiqə qolu ilə oyunda status-kvonu bərpa edib 1:1. Matçın əsas vaxtı heç-heçə başa çatdığından cütün qalibi penaltilər seriyasında müəyyənləşib. 

Futbol lotoreyasını 4:3 hesabıyla qazanan Kanada yığma komandası adını turnirin yarımfinal mərhələsinə yazdırıb. 

Kanada Amerika kuboku turnirinin finalına vəsiqə uğrunda iyulun 10-da Argentina millisi ilə qarşılaşacaq.   

Namiq HUN