İkiqat Olimpiya, beşqat dünya çempionu vəfat etdi

İdman

31.01.2025 17:45

Əfsanəvi amerikalı fiqurlu konkisürən Dik Batton 95 yaşında vəfat edib.

TodayPress ABŞ Fiqurlu Konkisürmə Assosiasiyasına istinadla xəbər verir ki, Batton Nyu-Yorkun North Salem şəhərində dünyasını dəyişib.

Səhhətində problemləri olan Battonun ölümün səbəbi açıqlanmayıb.

Dik 1948 və 1952-ci il Olimpiya Oyunlarında fərdi yarışlarda qızıl medal qazanıb. O, elə həmin illəri əhatə edən dünya çempionatlarında ardıcıl 5 qızıl medal qazanıb, 7 dəfə isə ABŞ çempionu olub.

Dik Batton 1948-ci ildə Avropa Çempionu tituluna da sahib çıxıb.

Təcrübəli idmançı karyerasını bitirdikdən sonra şərhçi kimi çalışıb.

Namiq HUN