“Hype Fighting Championship” turniri baş tutmadı

Azərbaycanlı qaydasız döyüşçü Nəriman Abbasovun (77 kq) “Hype Fighting Championship” turniri çərçivəsində görüşü ləğv edilib. 

TodayPress xəbər verir ki, Rusiyanın hüquq-mühafizə orqanları Moskvadakı Live Hallda təşkil edilən turnirin keçirilməsinə mane olublar.

Liqanın təşkilatçısı Məhəmməd Nosayevin oktaqondakı çıxışı zamanı yarışın dayadırılması tələb olunub. 

Onlar Nəriman Abbasovun Marif Pirayevlə görüşünün hüquq-mühafizə orqanları ilə razılaşdırılmadığını bildiriblər. 

Aparıcı texniki fasilə elan edib. Nosayev qara maskalıların müşayiəti ilə zaldan çıxarılıb. 

“Hype Fighting Championship” turnirinin ləğv edilməsinə qərar verilib.

Namiq HUN