Güləşçimiz Avropa çempionatının qalibi oldu

Serbiya güləş üzrə U-20 Avropa çempionatı keçirilir.

TodayPress xəbər verir ki, Novi Sad turnirinin növbəti yarış günü sərbəst güləş üzrə 57, 65, 70, 79 və 97 kq-da medalçılar müəyyənləşib.

Xetaq Karsanov (97 kq) finalda rusiyalı Şaxman Nuxayevlə üz-üzə gəlib. Nəfəskəsən mübarizədə əzmkar qələbə (5:4) qazanan Xetaq Avropa çempionatının qızıl medalına sahib çıxıb.

Vasif Bağırov (57 kq) finalda rusiyalı Lev Pavlovla qarşılaşıb. Həlledici görüş xala-xal prinsipiylə keçib. Yekunda 6:8 hesabıyla məğlub olan Vasif gümüş medalla kifayətlənib.

Namiq HUN