FWA 3-cü dəfə Salahı ilin futbolçusu seçdi

“Liverpul” klubunun futbolçusu Məhəmməd Salah İngiltərədə Futbol Yazarları Assosiasiyası (FWA) tərəfindən mükafata layiq görülüb.   

TodayPress xəbər verir ki, misirli vinger Premyer Liqada ilin ən yaxşı futbolçusu seçilib. 

Salah təşkilatın 900-dən çox üzvünün iştirak etdiyi səsvermədə səslərin 90%-ni toplamaqla XXI əsrdə ən yüksək nəticəyə nail olub.   

Qeyd edək ki, Salah üçüncü dəfə bu mükafatı qazanmaqla Tyerri Anrinin rekordunu təkrarlayıb.

O, daha əvvəl 2018 və 2022-ci illərdə FWA tərəfindən ilin ən yaxşısı seçilib.   

Namiq HUN