Futbolun yaradıcıları "overtaym" da mərhələ adladı

Futbol üzrə Avropa çempionatında 1/8 final mərhələsinin ikinci oyun günü Helzenkirhendə başladı. 

TodayPress xəbər verir ki, “Aufşalke Arena”da İngiltərə millisi Slovakiya ilə üz-üzə gəlib. 

Qrup mərhələsində Belçikanı büdrədən slovakiyalılar ilk 25 dəqiqənin tamamında ingilislərin də kefini pozmağı bacarıblar. İvan Şrans qol şansını qaçırmayıb 1:0. İngilislər yalnız 90+5-ci dəqiqədə məğlubiyyətdən canlarını qurtarıblar. Cud Bellingem sensasiyaya izn verməyərək matçı overtayma daşıyıb 1:1. Əlavə 30 dəqiqənin startı da  İngilislərə düşərli olub. Komandasını hesabda irəli çıxaran Harri Keyn matçın qəhrəmanı olub. AVRO-2020-nin finalçısı yoluna davam edir. 

Namiq HUN