Futbolçu dövlət sərhəddini pozdu

Ukraynalı qapıçı Denis Şelixov Tisa çayını üzərək qonşu ölkəyə keçib. 

TodayPress xəbər verir ki, qolkiper artıq Belarusun “Slaviya-Mozır” futbol klubu ilə müqavilə imzalayıb.

Məlum olub ki, futbolçu iki aya yaxın çayda üzmək üçün məşq edib. Denis  bu məlumatla bağlı açıqlama verməkdən imtina edib.

Qeyd edək ki, 35 yaşlı qolkiperin son klubu Ukraynanın “Viktoriya” klubu olub. Denis Şelixov buna qədər Ukraynanın “Dnepr”, “Volın”, “Nikolayev”, “Metalist 1925”, LNZ, Belarusda isə “İsloç” və “Luç” klublarında çıxış edib.

Namiq HUN