"Formula-1"in təqvimində dəyişikliklər edildi

“Formula 1” üzrə Bəhreyn Qran-Prisi 2021-ci ildən etibarən təqvimin ilk yarışı olsa da, müsəlmanların müqəddəs Ramazan ayı ilə üst-üstə düşməməsi üçün 2025-ci ildə 4-cü yarış olacaq.

TodayPress xəbər verir ki, yeni mövsüm mart ayında Avstraliyada başlayacaq. 

Fevral ayında Bəhreyndə üç günlük "Formula-1" sınaq yürüşləri keçiriləcək. Bu yürüşlər 2026-cı ildə idmanın bu növündə mühərrik və qaydalarda olacaq ciddi dəyişikliklərdən əvvəlki mövsüm fevralın 26-28-də Saxir trasında vbaş tutacaq.

"Mercedes"dən sonra "Ferrari"də yarışacaq 7 qat dünya çempionu britaniyalı Lyuis Hemilton da bu sınaqlarda iştirak edəcək.

Qeyd edək ki, 2025-ci ildə, 75-ci yubiley ilinə qədəm qoyacaq "Formula-1" yarışı Avstraliyada başlayıb, dekabrın 5-7-də Abu-Dabi Qran-Prisi ilə başa çatacaq.

2025-ci ildə “Formula 1” üzrə Azərbaycan Qran prisi 19-21 sentyabrda keçiriləcək.