“Formula 1” üzrə Azərbaycan Qran-prisinə bilet satışı başlandı

“Formula 1” üzrə Azərbaycan Qran-prisinə bilet satışı başlanıb.

TodayPress Bakı Şəhər Halqasına istinadla xəbər verir ki, azarkeşlər biletləri www.azerbaijangp.com veb səhifəsindən əldə edə bilərlər. 

Həmçinin, “Baku City Circuit” mobil tətbiqi üzərindən 20% güzəştlə biletlər almaq olar. 

Azərbaycan Qran-prisinə bilet satışı fevralın 5-dək davam edəcək.

Bakı Şəhər Halqası Əməliyyat Şirkəti azarkeşlərə 4 günlük biletlər təqdim edir. Hər il olduğu kimi, 3 günlük tribuna biletləri ilə yanaşı, bilet sahibləri Pit zolağı gəzintisi imkanı əldə edərək, komandaları, pilotları və onların qarajlarını yaxından izləmək imkanı əldə edəcəklər.

Qeyd edək ki, Azərbaycan Qran-prisi sentyabrın 19-21-də keçiriləcək.

Namiq HUN