Flik Reşfordu heyətdə görmək istəyir

"Barselona" yay transfer pəncərəsi bağlanana qədər sol cinah yarımmüdafiəçisi mövqeyinə bir futbolçu ala bilər.

TodayPress xəbər verir ki, Kataloniya klubunun baş məşqçisi Hans-Diter Flik rəhbərlikdən "Mançester Yunayted"dən Markus Reşfordu hücum xəttinə transfer etməyi xahiş edib.

Qeyd edək ki, 2022/2023 mövsümündə ingilis hücumçu bütün turnirlərdə 56 oyun keçirib, 30 qol vurub və 10 məhsuldar ötürmə verib. Son mövsümdə isə 43 matçda meydana çıxan Reşford 8 qol vurub və 5 assist edib. 

Forvardın klubla hazırkı müqaviləsi 2028-ci ilin yayına kimi nəzərdə tutulub. Transfermarkt portalında futbolçunun bazar dəyəri 60 milyon avro qiymətləndirilir.

Namiq HUN