Finlandiyanın ən azyaşlı olimpiyaçısı

Heyli Sirviyo 13 yaşında  Paris-2024 Yay Olimpiya Oyunlarına lisenziya qazanıb.

TodayPress xəbər verir ki, finlandiyalı skeytbordçu ölkə tarixinə ən azyaşlı olimpiyaçı kimi düşüb.

Heyli Sirviyo “Top-22”yə düşməklə 33-cü Yay Olimpiya Oyunlarına birbaşa vəsiqə qazanıb. O, bu uğura Macarıstanın paytaxtı Budapeştdə keçirilən təsnifat turnirində 8-ci yeri tutmaqla imza atıb. 

Qeyd edək ki, Paris Olimpiadası iyulun 26-dan avqustun 11-dək keçiriləcək.

Namiq HUN