FIDE şahmatçıların yeni reytinqini açıqladı

Beynəlxalq Şahmat Federasiyası (FIDE) oktyabr ayı üçün reytinq siyahısını tərtib edib.

TodayPress xəbər verir ki, Azərbaycan təmsilçilərindən Şəhriyar Məmmədyarov (2733) bir pillə geriləyərək 18-ci yerdə qərarlaşıb.

Sıralamada 31-ci olan Teymur Rəcəbovun (2700) mövqeyində dəyişiklik olmayıb. 

Rauf Məmmədov (2643) isə 10 pillə irəliləyərək 90-cı yerə yüksəlib. 

Aydın Süleymanlı (2637) ilk dəfə dünyanın 100 yaxşı qrossmeysterləri arasına düşüb.

Kişi şahmatçıların FIDE reytinqinə norveçli Maqnus Karlsen (2831) başçılıq edir. 

Azərbaycanın qadın şahmatçılarından Günay Məmmədzadə (2426) 34-cüdür. 

8 pillə irəliləyən Gövhər Beydullayeva (2402) 45-ci yerdədir. 

1 pillə yüksələn Ülviyyə Fətəliyeva (2383) isə 67-cidir. 

Xanım Balacayeva (2362) 83-cü pillədə yer alıb. 

Qadın şahmatçıların FIDE reytinqinə çinli Yifan Hou (2633) başçılıq edir.

Namiq HUN