“Fənərbağça” Avroliqada ardıcıl 4-cü qələbəsini qazandı

“Fənərbağça” basketbol klubu Avropa Liqasının XXII turunda növbəti qələbəsini qazanıb. 

TodayPress xəbər verir ki, İstanbul təmsilçisi doğma meydanda Litvanın “Jalgiris” klubuna 98:86 hesabı ilə qalib gəlib. 

Ardıcıl 4-cü oyunda meydandan qalib ayrılan “sarı-lacivərdlilər” ümumilikdə 14-cü qələbələrini bayram ediblər.

“Anadolu Efes” isə səfərdə “Barselona” klubuna 90:80 hesabı ilə uduzub. 

Ardıcıl 5-ci oyunda xal itkisi ilə üzləşən Türkiyə təmsilçisi, ümumilikdə 12-ci məğlubiyyətini alıb.

Günün digər qarşılaşmalarında “Baskonia” (İspaniya) ”Panatinaikos”dan (Yunanıstan) 91:77, “Boloniya” (İtaliya) “Bavariya”dan (Almaniya) 82:72, “Srvena Zvezda” (Serbiya) isə “Monako”dan (Fransa) 88:82 hesabı ilə üstün olub. 

Namiq HUN