Felipe Melo 41 yaşında futbolçu karyerasını bitirdi

"Qalatasaray"ın sabiq futbolçusu Felipe Melo qərarını verib.

TodayPress xəbər verir ki, o, karyerasını başa vurub.

Bunu yarımmüdafiəçinin özü açıqlayıb. Onun son klubu Braziliya "Fluminense"si olub.

41 yaşlı Melo sosial şəbəkə hesabında vida paylaşımı edib:

"Bu gün həyatımın ən önəmli bölümlərindən birini - futbolçu karyeramı sonlandırıram. İllər ərzində mübarizə və zəfərlə dolu inanılmaz anlar yaşadım. Yaşadığım hər şey, hər an Tanrının əliylə yönləndirildi və sevdiyim işlə məşğul ola bildiyim üçün ona sonsuz dərəcədə minnətdaram.

Oynadığım bütün klublara, bu yolda enerji qaynağım olan azarkeşlərə, komanda yoldaşlarıma, karyeramda iz buraxan hər kəsə, mənə hər zaman inanan ailəmə və Tanrıya təşəkkür edirəm".

Qeyd edək ki, Melo "Flamenqo", "Qremio", "Kruzeyro", "Malyorka", "Rasinq", "Almeriya", "Fiorentina", "Qalatasaray", "Yuventus", "İnter", "Palmeyras" və "Fluminense" klublarının formasını geyinib. O, həmçinin Braziliya millisinin də şərəfini qoruyub.