Emrelinin “Seul”a keçidi təxirə düşdü

Azərbaycanlı futbolçu Mahir Emrelinin Cənubi Koreya klubuna keçidi təxirə düşüb.

TodayPress xəbər verir ki, buna səbəb “Seul”da əcnəbi futbolçular üçün maaş limitinin olmasıdır.

Məlumata görə, “Seul” iki futbolçunun Çin klubuna keçidinə razılıq verib. Həmin legionerlərin transferindən sonra Mahiri heyətə qatmaq istəyib. Çin klubuna keçidin baş tutmaması, Emrelinin də Cənubi Koreya təmsilçisinə qoşulmasına mane olub. Çinlilər legionerlərin xidmətindən imtina edib.

Mahirin “Seul” klubuna transferinə mövsümün sonunda aydınlıq gələcək. 

Qeyd edək ki, Azərbaycan millisinin hücumçusu “Nürnberq”lə yayda 1+1 illik müqavilə imzalayıb. (Sportal.az)

Namiq HUN