Emreli “Nürnberq”də debüt etdi

Futbol üzrə Azərbaycan millisinin hücumçusu Mahir Emreli Almaniyanın II Bundesliqa klubu “Nürnberq”də debüt edib.

TodayPress xəbər verir ki, “Nürnberq”in “Herta”nı sınağa çəkdiyi matçda Emreli 39-cu dəqiqədə meydana daxil olub.

O, zədələnən Benjamin Qolleri əvəzləyib.

90+5' dəqiqədə referi Lukas Benen kobud oyuna görə Mahir Emrelini sarı vərəqə ilə cəzalandırıb. 

Qeyd edək ki, “Nürnberq” – “Herta” qarşılaşması Berlin təmsilçisinin 2:0 hesablı qələbəsi ilə başa çatıb. 

Namiq HUN