“Əl-Şabab”ın sükanı İmperatora həvalə edildi

“Əl Şabab” baş məşqçi postu üçün Fatih Terimlə prinsipial razılığa gəlib.

TodayPress xəbər verir ki, bu barədə "Milliyet" qəzəte məlumat yayıb. Səudiyyə Ərəbistanı komandası Terimlə 6 aylıq razılığa gəlib. 

Baş məşqçi yarım il üçün 1,6 milyon dollar maaş alacaq. Qeyd olunub ki, hər iki tərəf əgər razılaşsa, müqavilə 1 il müddətinə uzadıla bilər. 

"Qalatasaray"ın sabiq baş məşqçisi Həmzə Həmzəoğlu və sarı-qırmızılı komandada fəaliyyət göstərmiş Levent Şahinin "Əl Şabab"da Fatih Terimin köməkçiləri olacağı bildirilir. 

Məlum olduğu kimi, "Əl-Şəbab" klubunun baş məşqçisi Vitor Perreyra İngiltərənin "Vulverhempton" klubu ilə anlaşıb. 

Qeyd edək ki, “Əl-Şabab” klubu Səudiyyə Ərəbistanı Pro Liqasının 23 xalla 6-cı komandasıdır. 

Töhfə Səməd