Əfsanə ticarət kartı ilə hərracı canlandırdı

“Los Anceles Leykers” basketbol klubunun hücumçusu Lebron Ceymsin imzalı ticarət kartı hərracda 1,159 milyon dollara satılıb.   

TodayPress xarici KİV-ə istinadən xəbər verir ki, Lebronun “Klivlend Kavalyers” klubunda top oynatdığı dövrə aid olan kart “Goldin Auctions” hərracında sahibini tapıb. 

Xatırladaq ki, Lebron Ceyms 2003-2010-cu və 2014-2018-ci illərdə “Klivlend Kavalyers”də çıxış edib.

O, Klivlend təmsilçisinin heyətində bir dəfə NBA çempionu olub.

Ceyms həmçinin final seriyasının (2016) və müntəzəm mövsümün (2009, 2010) ən dəyərli oyunçusu seçilib.   

Namiq HUN