Dünyaşöhrətli səyyahlar ilk dəfə Xəzər dənizini üzərək keçiblər
“Qoliat”
ekspedisiyasını Xəzər dənizində davam etdirmək qərarına gələn tanınmış
səyyahlar - Karl Buşbi və Anjela Maksvel Qazaxıstandan Azərbaycana Xəzər
dənizini üzərək keçiblər.
TodayPress xəbər verir ki, hər iki səyyah Azərbaycana çatmaq üçün 41 gün
ərzində 288 kilometr məsafə qət edib.
Səyahət zamanı onlarla iki gənc idmançımız - 15 qat respublika çempionları Anastasiya Boborkina və Əbdürrəhman Rüstəmov da birgə üzüblər.
Britaniyalı Karl Buşbi və amerikalı Anjela Maksvel dünyanın dörd tərəfini kəşf
etməkdə olan tanınmış iki macəraçıdır. Karl Buşbi bu missiyaya hələ 1998-ci
ilin noyabrında 38 min kilometrlik məsafəni qət etməklə başlayıb. Həmkarı
Anjela Maksvel son 7 il ərzində 4 qitədə - 14 ölkədə olub, susuz səhraları,
qarlı dağları gəzərək ümumilikdə 32 min 186 kilometr məsafə qət edib.
tag: Azərbaycan, Xəzər Dənizi, Səyyah, İdmançı,todaypress.az,