Dünya tennisinin lideri büdrədi

Dünya tennisinin üçüncü nömrəsi, ispaniyalı tennisçi Karlos Alkaras Çin-də keçirilən ATP-500 turnirinin qalibi olub. 

TodayPress xəbər verir ki, o, finalda dünya reytinqinin lideri, italiyalı Yannik Sinneri 6:7 (6:8), 6:4, 7:6 (7:3) hesabı ilə məğlub edib. 

Taybreykdə ispaniyalı qoşa mini-breyklə geridə olsa da, sonradan rəqibindən  ardıcıl yeddi xal qazanmağa müvəffəq olub. 

Qarşılaşma 3 saat 24 dəqiqə davam edib. 

Bu Karlos Alkarasın karyerasında 16-cı, mövsüm ərzində isə qazandığı 4-cü kubokudur.

Namiq HUN