Dünya şahmatında yeni rekord qeydə alındı

Hindistanlı Aniş Sarkar dünyanın ən gənc reytinqli şahmatçısı olub.

TodayPress xəbər verir ki, 3 yaşlı zəka sahibi FIDE klassik reytinqini 1555-ə çatdırıb. O, buna Qərbi Benqal Ştatında keçirilən U-9 açıq çempionatında 140 iştirakçı arasında 24-cü yeri tutmaqla nail olub.

Bununla da Aniş Sarkar dünya üzrə 190.000-dən çox aktiv şahmatçı arasında ən gənc reytinqli oyunçu adına sahib çıxıb. 

Onu bu statistikada banqladeşli Afnan Tayvar Ailan (16 mart 2020-ci il, 1542 xal), çilili Santiaqo Alonso Rubio Soto (19 oktyabr 2020-ci il, 1484 xal) və vyetnamlı Vu Hao Nhien (9 mart 2019-cu il, 1473 xal) izləyirlər.

Namiq HUN