Dünya rekordçusunda dopinq tapıldı

Qaçış üzrə dünya rekordçusu qəbulu qadağan olinmuş preparatdan istifadəyə görə 6 il müddətinə diskvalifiyasiya edilib.

TodayPress xəbər verir ki, keniyalı yüngül atlet Roneks Kipruto antidopinq qaydalarını pozduğuna görə 6 il müddətinə idmandan kənarlaşdırılıb. O, 2023-cü il mayın 11-də cəzalandırılıb. 24 yaşlı atletin cəzası 2029-cu il mayın 10-da başa çatacaq.

Qeyd edək ki, keniyalı idmançı uzun müddət idi dopinq sxeminə cəlb olunmşdu. Bu müddət ərzində onun antidopinq pasportunda pozuntular aşkar edilib. Birinci pozuntu 2018-ci ilin iyul ayında qeydə alınıb. Həmin andan etibarən idmançının bütün nəticələri ləğv edilib.

Kipruto 2019-cu ildə 10.000 metr məsafəyə qaçışda əldə etdiyi  bürünc medalından və 26 dəqiqə 24 saniyəlik dünya rekordundan məhrum ediləcək. Keniyalı atlet İdman Arbitraj Məhkəməsində (CAS) hökmə etiraz edə bilər.

 Namiq HUN