Dünya çempionundan KOBUD SƏHV

Şahmat üzrə hazırkı dünya çempionu, çinli Dinq Liren Stavangerdə keçirilən “Norway Chess” turnirində Maqnus Karlsenə uduzub.

TodayPress xəbər verir ki, turnirin maraqla gözlənilən görüşü klassik şahmat üzrə hazırkı dünya çempionu Dinq Lirenlə keçmiş dünya çempionu Maqnus Karlsen arasında baş tutan oyun olub. Karlsenin ağ fiqurlarla oynadığı görüşdə ən çox diqqəti cəlb edən məqam çinli qrossmeysterin təxminən bərabər mövqedə “mat üfürməsi” olub. Bu səviyyəli partiyalarda bu çox nadir hallarda olur. Şahmatda kobud səhv oyunçunun mövqeyinin kəskin pisləşməsinə səbəb olan haldır. Kobud səhv etməklə, şahmatçı mat təhlükəsini qaçıra, və ya tamamilə qazanılmış vəziyyətdə oyunu heç-heçəyə endirə bilər.

Qeyd edək ki, Stavanger superturnirinin alltı turunun yekununa görə, Maqnus Karlsen 12 xalla ABŞ qrossmeysteri Hikaru Nakamuranı bir xal qabaqlayır. Dinq Liren isə 2,5 xalla sonuncu yerdədir.

Qeyd edək ki, dünya çempionu Dinq Liren 2023-cü ilin aprelində şahmat tacı uğrunda yarışda rusiyalı Yan Nepomnyaşini taybreykdə məğlub edib.

Namiq HUN