Dünya çempionumuz Dünya Seriyasında büdrədi

Fransada çimərlik güləşi üzrə Dünya Seriyasının mərhələ yarışı keçirilib. 

TodayPress xəbər verir ki, San Loren Dü-Var turnirindən qazancımız gümüş medal olub. 

İbrahim Yusubov (90 kq) mərhələ yarışlarında rəqiblərinə heç bir şans tanımayıb. Dünya çempionu A qrupunda fransa, yunanıstan və moldovalı rəqiblərini üstələyib. 

Güləşçimiz yarımfinalda Ukrayna təmsilçisini mübarizədən kənarlaşdırıb. Yusubov yalnız finalda moldovalı Trayan Kapatinaya uduzaraq gümüş medalla kifayətlənib.

Namiq HUN